ਜਲੰਧਰ — ਫਲ ਖਾਣਾ ਕਈ ਲੋਕਾਂ ਨੂੰ ਪਸੰਦ ਹੁੰਦਾ ਹੈ ਅਤੇ ਫਲ ਸਿਹਤ ਲਈ ਲਾਭਦਾਇਕ ਹੁੰਦੇ ਹਨ। ਪਰ ਤੁਹਾਨੂੰ ਪਤਾ ਹੈ ਕਿ ਫਲਾਂ ਦੇ ਛਿਲਕੇ ਵੀ ਸਿਹਤ ਲਈ ਬਹੁਤ ਲਾਭਦਾਇਕ ਹੁੰਦੇ ਹਨ। ਫਲਾਂ ਦੇ ਗੁੱਦੇ ਦੀ ਤਰ੍ਹਾਂ ਫਲਾਂ ਦੇ ਛਿਲਕੇ ਵੀ ਸਿਹਤ ਲਈ ਬਹੁਤ ਉਪਯੋਗੀ ਹੁੰਦੇ ਹਨ।
ਕਈ ਸਾਲਾਂ ਦੀ ਖੋਜ ਤੋਂ ਪਤਾ ਲੱਗਾ ਹੈ ਕਿ ਫਲਾਂ 'ਚ ਐਂਟੀਆਕਸੀਡੈਂਟ ਹੁੰਦੇ ਹਨ ਜੋ ਕਿ ਕਈ ਬੀਮਾਰੀਆਂ ਜਿਵੇਂ ਭਾਰ ਘੱਟ ਕਰਨ ਲਈ, ਸਰੀਰ ਚੋਂ ਜ਼ਹਿਰੀਲੇ ਤੱਤ ਬਾਹਰ ਕੱਢਣ ਅਤੇ ਕੈਂਸਰ ਆਦਿ ਲਈ ਲਾਭਦਾਇਕ ਹੁੰਦੇ ਹਨ।
ਅੱਜ ਅਸੀਂ ਤੁਹਾਨੂੰ ਫਲਾਂ ਦੇ ਛਿਲਕਿਆਂ ਤੋਂ ਹੋਣ ਵਾਲੇ ਫਾਇਦੇ ਬਾਰੇ ਦੱਸਣ ਜਾ ਰਹੇ ਹਨ।
1. ਸੰਤਰੇ ਦੇ ਛਿਲਕੇ
ਸੰਤਰੇ ਦੇ ਛਿਲਕੇ 'ਚ ਵਿਟਾਮਿਨ ਸੀ ਅਤੇ ਐਂਟੀਆਕਸੀਡੈਂਟ ਭਰਪੂਰ ਮਾਤਰਾ 'ਚ ਮੌਜੂਦ ਹੁੰਦੇ ਹਨ। ਇਹ ਸਰੀਰ 'ਚੋ ਚਰਬੀ ਨੂੰ ਬਾਹਰ ਕੱਢਦਾ ਹੈ ਅਤੇ ਕਬਜ਼ ਅਤੇ ਸਾਹ ਸਬੰਧੀ ਬੀਮਾਰੀਆਂ ਦੇ ਇਲਾਜ ਲਈ ਫਾਇਦੇਮੰਦ ਹੈ।
2. ਕੇਲੇ ਦਾ ਛਿਲਕਾ
ਕੇਲੇ ਦੇ ਛਿਲਕੇ ਨੂੰ ਦੰਦਾਂ 'ਤੇ ਰਗੜਣ ਨਾਲ ਦੰਦ ਸਫੈਦ ਹੁੰਦੇ ਹਨ। ਇਸ ਨਾਲ ਝੁਲਸੀ ਹੋਈ ਚਮੜੀ ਨੂੰ ਅਰਾਮ ਮਿਲਦਾ ਹੈ ਅਤੇ ਐਸੀਡਿਟੀ 'ਚ ਵੀ ਅਰਾਮ ਮਿਲਦਾ ਹੈ।
3. ਅਨਾਰ ਦੇ ਛਿਲਕੇ
ਅਨਾਰ ਦੇ ਛਿਲਕੇ 'ਚ ਪੌਸ਼ਕ ਤੱਤ ਅਤੇ ਵਿਟਾਮਿਨ ਭਰਪੂਰ ਮਾਤਰਾ 'ਚ ਹੁੰਦੇ ਹਨ। ਇਹ ਸਿਹਤ ਸਬੰਧੀ ਬੀਮਾਰੀਆਂ, ਗਲੇ ਦੀ ਖਾਰਸ਼ ਅਤੇ ਨੂੰ ਰੋਕਦਾ ਹੈ ਅਤੇ ਹੱਡਿਆਂ ਨੂੰ ਮਜ਼ਬੂਤ ਬਣਾਉਂਦਾ ਹੈ।
4. ਤਰਬੂਜ਼ ਦੇ ਛਿਲਕੇ
ਤਰਬੂਜ਼ ਦੇ ਛਿਲਕੇ ਦਾ ਸਫ਼ੈਦ ਹਿੱਸਾ ਭਾਰ ਘੱਟ ਕਰਨ ਲਈ ਸਹਾਇਕ ਹੁੰਦਾ ਹੈ ਅਤੇ ਇਹ ਚਮੜੀ ਅਤੇ ਵਾਲਾਂ ਨੂੰ ਤੰਦਰੁਸਤ ਅਤੇ ਚਮਕੀਲਾ ਬਣਾਉਂਦਾ ਹੈ। ਇਹ ਕੋਸ਼ਿਕਾਵਾਂ ਨੂੰ ਵੀ ਪੌਸ਼ਨ ਦਿੰਦਾ ਹੈ।
5. ਸੇਬ ਦੀ ਛਿਲਕਾ
ਸੇਬ ਦੇ ਛਿਲਕੇ ਕਬਜ਼ ਲਈ ਬਹੁਤ ਵਧੀਆ ਹੁੰਦੇ ਹਨ ਅਤੇ ਇਨ੍ਹਾਂ 'ਚ ਫਾਈਬਰ ਭਰਪੂਰ ਮਾਤਰਾ 'ਚ ਹੁੰਦਾ ਹੈ। ਇਸ ਦੇ ਛਿਲਕੇ ਰੋਗਾਂ ਨਾਲ ਲੜਨ ਦੀ ਸ਼ਕਤੀ ਵਧਾਉਂਦੇ ਹਨ ਅਤੇ ਕਈ ਤਰ੍ਹਾਂ ਦੇ ਕੈਂਸਰ ਤੋਂ ਵੀ ਬਚਾਉਂਦੇ ਹਨ।
6. ਨਿੰਬੂ ਦਾ ਛਿਲਕਾ
ਨਿੰਬੂ ਦੇ ਛਿਲਕੇ 'ਚ ਵਿਟਾਮਿਨ ਸੀ ਭਰਪੂਰ ਮਾਤਰਾ 'ਚ ਹੁੰਦਾ ਹੈ ਅਤੇ ਇਸ 'ਚ ਐਂਟੀਸੈਪਟਿਕ ਗੁਣ ਹੁੰਦੇ ਹਨ। ਇਹ ਮੂੰਹ ਦੇ ਇੰਫੈਕਸ਼ਨ ਅਤੇ ਪੇਟ ਦੇ ਇੰਫੈਕਸ਼ਨ ਦੇ ਉਪਚਾਰ ਲਈ ਸਹਾਇਕ ਹੁੰਦੇ ਹਨ। ਨਿੰਬੂ ਦੇ ਛਿਲਕੇ ਤਨਾਅ ਨੂੰ ਵੀ ਘੱਟ ਕਰਦੇ ਹਨ।
7. ਪਪੀਤੇ ਦੇ ਛਿਲਕੇ
ਪਪੀਤੇ ਦੇ ਛਿਲਕੇ ਅੰਤੜਿਆਂ 'ਚ ਮੌਜੂਦ ਜ਼ਹਰੀਲੇ ਪਦਾਰਥ ਬਾਹਰ ਕੱਢਦੇ ਹਨ ਅਤੇ ਅੰਤੜਿਆਂ ਨੂੰ ਸਾਫ ਕਰਦੇ ਹਨ ਅਤੇ ਤੁਹਾਨੂੰ ਤੰਦਰੁਸਤ ਰੱਖਦੇ ਹਨ।
ਇੱਥੇ ਗਹਿਣਿਆਂ ਅਤੇ ਪੈਸਿਆਂ ਨਾਲ ਸਜਾਇਆ ਜਾਂਦਾ ਹੈ ਮਾਤਾ ਅਤੇ ਮੰਦਰ ਨੂੰ
NEXT STORY 
